Ўқувчилар учун Minecraft 2016 йил ёзида чиқади

Microsoft компанияси Minecraft ўйинининг ўқув даргоҳларига мўлжалланган версиясини 2016 йил ёзида чиқаришни режалаштирмоқда. Бу ҳақда TechCrunch портали хабар бермоқда.

Minecraft Education Edition айнан бирор ёшга мўлжалланмаган бўлиб, ҳам мактаб, ҳам коллеж маъмуриятига тўғри келиши айтилмоқда. Ҳар бир ўқувчи учун ўқув даргоҳи йилига 5 доллардан тўлайди, бу эса оригинал ўйиндан икки баробарга арзонроқдир. Синов муддатида ўйин жаҳоннинг 40 мамлакатида бепул бўлади.