"Барселона" 23 тур учрашувида "Леванте"ни мағлуб этиб қайтди

Испания чемпионатининг 23 турида "Барселона" жамоаси "Леванте" майдонига сафар қилди ва 2:0 ҳисобидаги ғалаба билан қайтди.

Ўйиннинг биринчи таймида мезбонлар ҳимоячиси Давид Наварро тўпни ўз дарвозасига киритиб қўйди - 0:1.

Ўйинга қўшиб берилган дақиқаларда эса "Барселона" тўпурари Луис Суарес якуний ҳисобни ўрнатди - 0:2.

Эндиликда каталонияликлар ҳисобидаги очколар сони 54тага етган ва жамоанинг турнир жадвалидаги пешқадамлиги мустаҳкамланган. Каталонияликларда яна битта захира ўйини мавжуд. "Леванте" эса 17 очко билан сўнгги поғонада жойлашган.

Қайд этиш керакки, бу ғалабали ўйин жамоа мураббийи Луис Энрикенинг "кўк-анорранглилар" бошқарувига келганидан бери ўтказган юзинчи ўйини ва 80- ғалабаси бўлди.

Испания чемпионати, 23-тур

“Леванте” - “Барселона” – 0:2
Голлар: Наварро (22-автогол), Суарес (90+2)
Огоҳлантиришлар: Феддаль (23), Наварро (57), Лерма (66), Лопес (83) - Пике (29), Алвес (63), Бускетс, (89)
“Леванте”: Мариньо, Тоньо, Феддаль, Наварро (Гилас, 69), Иван Лопес, Симао, Верса (Куэро, 77), Моралес, Лерма, Росси, Дейверсон (Камараса, 69)
“Барселона”: Браво, Пике, Альба, Сержи Роберто, Дани Алвес (Видаль, 74), Маскерано, Ракитич (Бускетс, 68), Иньеста, Неймар, Месси, Суарес.