Тошкентдаги бокс кечасида ўзбекистонликларнинг барчаси ғалаба қозонди

Кеча, 26 февраль куни, “Ўзбекистон” спорт мажмуасида бокснинг янги йўналиши Бутунжаҳон бокс серияси, яъни WSB бўйича дастлабки учрашув ўтказилди. Унда “Ўзбек йўлбарслари” жамоаси Пуэрто-Риконинг “Puerto Rico Hurricanes” жамоасига қарши рингга кўтарилди.

Мазкур жамоаларнинг Сан-Хосе шаҳрида бўлиб ўтган илк тўқнашувида WSB “Ўзбек йўлбарслари” жамоаси 5:0 ҳисобида ғалаба қозонган эди. Тошкентдаги жавоб учрашувида ҳам ўзбекистонлик боксчилар рақибларига ҳеч қандай имконият қолдирмай, ҳудди шундай 5:0 ҳисобида ғалабага эришди.

WSB. С2 жамоалари: "Uzbek Tigers" 5 - 0 "Puerto Rico Hurricanes"

52 кг: Қодиров Аброр - Кейбер Авилла (ТКО R3 0:11)
60 кг: Абдураимов Эльнур - Стивен Руидиаз (50:45/50:45/50:45)
69 кг: Турдиев Достон - Самуэл Кедено (TKO R3)
81 кг: Абдуллаев Шуҳрат - Жуан Карилло (49:46/49:46/49:46)
+91 кг: Абдуллаев Сардор - Валавикус Мантас (50:45/50:44/50:45)

Шунингдек, кеча APB йўналишида ҳам учта жанг ўтказилди ва уларнинг барчасида ўзбек боксчилари ғолиб чиқди:

52 кг: Латипов Жасурбек (Ўзбекистон) — Мурдум Энгене Гандулам (Мўғулистон) ТКО 5R
69 кг: Маҳмудов Дилшод (Ўзбекистон) — Юба Ндиайе Сиссохо (Испания) 3:0
75 кг: Мадримов Исроил (Ўзбекистон) — Кришан Викаш Ядав (Ҳиндистон) 3:0

Бугун, 27 февраль куни, “Ўзбекистон” спорт мажмуасида «Uzbek tigers» ва «Astana arlans» жамоалари ўртасидаги жанглар ҳам бўлиб ўтади.