FT: Lady Gaga ва Coldplay Еврокомиссияга YouTube'дан арз қилишди

Lady Gaga, Coldplay, Abba ҳамда бошқа қўшиқчи ва гуруҳлар Еврокомиссия раҳбари Жан-Клод Юнкерга коллектив хат йўллаб, унда YouTube видеосервисини мусиқачиларнинг даромадларидан маҳрум қилишда айблашди. Бу ҳақида Financial Times хабар қилди. 

Шикоят хатини жами мингдан ортиқ артист имзолади. Поп юлдузлари мусиқий клипларнинг YouTube'да кўрилиши ва хонандаларнинг даромади ўртасидаги фарқнинг ошиб бораётганини таъкидлашди. 

YouTube вакилининг сўзларига кўра, компания қўшиқчилар ва овоз ёзиш студиялари билан ҳамкорлик қилиб келмоқда ҳамда уларга рекламадан даромадлар ажратмоқда. Тўлов миқдори 3 миллиард долларга баҳоланмоқда.