Эрдўған: Туркияда яна давлат тўнтариши бўлиши мумкинлигига ойдинлик киритди

Туркия президенти Ражаб Тоййиб Эрдўғаннинг фикрича, мамлакатда янги давлат тўнтариши бўлиши мумкин, деб хабар қилмоқда Reuters агентлиги. 

Эрдўған, эндиликда, ҳукумат бу каби воқеаларга доимо шай туришини айтар экан, разведка бўлиб ўтган исёнда бир нечта хатоларга йўл қўйганини таъкидлади. 

«Разведкадаги жиддий камчиликларни яшириш ва рад этишдан маъни йўқ», — деган Туркия етакчиси.

Президентнинг сўзига кўра, янги давлат тўнтариши рўй бергудек бўлса, унинг иштирокчилари катта қийинчиликларга дуч келади, чунки турк ҳукумати «янада ҳушёр бўлган».

Аввалроқ, Туркия ҳукумати Молия вазирлиги ва Марказий банкдаги «текширувларни 2-3 марта кўпроқ ўтказиш» режасини билдирган эди.