Samsung сўнгги икки йил ичида энг юқори даромад кўрди

Жанубий Кореянинг Samsung Electronics компанияси 2016 йилнинг иккинчи чораги учун молиявий ҳисоботини эълон қилди. Унга кўра, компания соф даромади 1,7 фоизга, яъни 5,2 млрд долларга ошган ва сўнгги икки йилдаги энг юқори натижани қайд этган. 

Таъкидланишича, бундай кўрсаткичга Samsung Galaxy S7 ва S7 Edge телефонларига талабнинг юқорилиги сабаб бўлган.

Компаниянинг пул тушуми 4,94 фоизга ошиб, 44,847 млрд долларни, қурилмалари савдоси ҳажми 5 фоизга кўтарилиб, 45,3 млрд долларни ташкил этган.

Келаси чоракда, Samsung смартфонлар савдосини Note телефонларининг янги модели орқали кўпайтирмоқчи.