УЕФА мавсумнинг энг яхши футболчисини аниқлади

Монакодаги ЕЧЛ гуруҳ босқичига қуръа ташлаш маросимдан кейин УЕФА талқинига кўра, 2015-2016 йилги мавсумнинг энг яхши футболчиси аниқланди.

Унга кўра "Реал" жамоасининг португалиялик ҳужумчиси Криштиану Роналду ўтган мавсумда Европадаги энг яхши футболчиси деб топилди.

31 ёшли футболчига жамоадоши Гарет Бэйл ҳамда "Атлетико"нинг франциялик ҳужумчиси Антуан Гризманн рақобат қилганди.

Роналду ўтган мавсумда "Реал" билан ЕЧЛда, Португалия терма жамоас билан эса Европа чемпионатида ғолиб чиқди.

Қайд этиш керакки, португалиялик футболчи бу совринни фаолиятида иккинчи марта қўлга киритди.

Евромавсумнинг энг яхши футболчилари рўйхати:

2010–11 Лионель Месси (Аргентина/Барселона)
2011–12 Андрес Иньеста (Испания/Барселона)
2012–13 Франк Рибери (Франция/Бавария)
2013–14 Криштиану Роналду (Португалия/Реал)
2014–15 Лионель Месси (Аргентина/Барселона)
2015–16 Криштиану Роналду (Португалия/Реал)