MMA: Ўзбек жангчиси ғалабасини Ислом Каримов хотирасига бағишлади (видео)

4 сентябрь куни Россиянинг Йошкар-Ола (Россия) шаҳрида яккакурашларнинг ММА йўналиши бўйича Red City Fights Global халқаро мусобақаси ташкил этилди. Унда Санкт-Петербург, Саранск, Киров, Ўзбекистон, Беларусь вакиллари ўзаро куч синашди. Мусобақада америкалик машҳур Жефф Монсон ҳам иштирок этди, деб хабар қилмоқда Sports.uz.

84 килограммда рингга чиққан ўзбекистонлик Улуғбек Гадоев россиялик Андрей Скрябин билан куч синашди. Улуғбек мазкур беллашувда рақибидан кучли эканини исботлаб, ғалабасини мамлакатимизнинг биринчи президенти Ислом Каримов хотирасига бағишлади.