"Эмми" мукофоти соҳибаси Трампни Гитлерга қиёслади

"Эмми" мукофоти совриндори Жилл Солоуэй АҚШ президентлигига Республикачилар партиясидан номзоди қўйилган Дональд Трампни Адольф Гитлерга қиёслаб, уни "энг хавфли маҳлуқлардан бири", деб атади. Бу ҳақида Associated Press маълум қилди. 

"Трампни Гитлернинг меросхўри деб аташ керак бўлса, мана мен шундай қиламан", - деди Солоуэй "Ҳаммаси аён" комедик сериали учун "энг яхши режиссёр" мукофотини қўлга киритганидан сўнг.

У аввал Трампни Гитлер каби инсонларни, шу жумладан ногиронлар, мусулмонлар, Лотин Америкадан келиб чиққан америкаликлар ва "гўзаллик танлови иштирокчиларидек кўринишга эга бўлмаган" аёлларни ажратишини айтганди.