Германия Россияга қарши янги санкциялар жорий қилишни муҳокама этмоқда

Фото: Reuters

Германия ҳукумати Суриядаги вазиятнинг чигаллашаётгани туфайли Россияга нисбатан янги санкциялар жорий қилиш имкониятини кўриб чиқмоқда. The Wall Street Journal нашрининг ёзишича, Ангела Меркель ҳукумати Москванинг араб республикасидаги сиёсатини ўзгартиришга мажбур қилувчи чораларни ишлаб чиқмоқда. ГФР ҳукуматининг Россия билан алоқалар бўйича вакили Гернот Эрлер ZDF телеканалига берган интервьюсида бу мавзу кўриб чиқилаётганини тасдиқлаган.

Таъкидланишича, янги аксилроссия санкцияларини жорий қилиш муҳокамаси илк босқичдадир.

Аммо, Германия ТИВ расмий вакили шу хусусда берилган саволга, бундай таклиф билдирган кишини билмаслигини айтган.