Германия ва Швейцария миграция инқирозига қарши курашиш режасини ишлаб чиқди

Фото: Globallookpress

Германия ва Швейцария миграция инқирозига қарши чегараларда назоратни кучайтириш бўйича биргаликда режа ишлаб чиқди. Бу ҳақда Германия ички ишлар вазирлигига иқтибос келтирган ҳолда ТАСС ахборот агентлиги хабар бермоқда.

"2016 йилнинг январидан августигача 4,5 мингта чегарани ноқонуний кесиб ўтиш ҳолати қайд этилди. Шу туфайли Германия ва Швейцария миграция инқирозига қарши чегараларда назоратни кучайтириш бўйича биргаликда режа ишлаб чиқди", деб айтилмоқда хабарда.

Энди чегарада келаётган поездлар синчковлик билан текширилади, чегара хизмати ходимлари сони бир неча маротаба оширилади.

Ушбу режа муҳожирларнинг тўхтовсиз оқимини тўхтатиши керак. Икки давлат ҳукуматлари бу келишувга Италия ҳам қўшилишига умид қилишмоқда.

#Швейцария #Германия #миграция инқирози