“Ўзстандарт” агентлиги бош директори лавозимидан озод этилди
Кун.уз сайтининг “Ўзстандарт” агентлигидаги манбасига кўра, Ўзбекистон стандартлаштириш, метрология ва сертификатлаштириш агентлиги бош директори Қурбонов Абдусалом Қобулбекович лавозимидан озод этилган. Ҳозирча, агентликнинг бўш қолган раҳбарлик лавозимига ким тайинлангани маълум эмас. Қурбонов 2012 йил июн ойидан буён Ўзбекистон стандартлаштириш, метрология ва сертификатлаштириш агентлиги Бош директори лавозимида ишлаб келаётган эди.
“Ўзстандарт” агентлиги стандартлаштириш, метрология ва сертификатлаштириш соҳасидаги вазифаларни ҳал қилиш учун махсус ваколат берилган Ўзбекистон Республикасининг давлат бошқарув органи ҳисобланади. “Ўзстандарт” агентлиги ўз фаолиятини амалдаги Қонунчиликка кўра бевосита ва қуйи тизим ташкилотлари орқали амалга оширади.
“Ўзстандарт” агентлиги Ўзбекистон Республикаси Вазирлар Маҳкамасининг 2002 йил 3 октябрдаги 342-сонли “Стандартлаштириш, метрология ва маҳсулотлар ҳамда хизматларни сертификатлаштириш тизимини такомиллаштириш чора-тадбирлари тўғрисида”ги қарорига асосан ташкил этилган.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
18:59 / 23.08.2024
«Ўзэнергоинспекция» ҳукумат бўйсунувига ўтказилади
18:32 / 15.08.2024