АҚШ ҚК КХДРнинг ўрта масофа ракетасини учиришга уринишини пайқаб қолди

АҚШ Қуролли кучлари стратегик қўмондонлигининг баёнот беришича, Шимолий Корея ўрта масофага учувчи баллистик ракетани учиришга муваффақиятсиз уринган, деб хабар қилмоқда РИА «Новости» агентлиги.

«АҚШ Стратегик қўмондонлиги тизимларининг 19 октябрь кечки соат 5:00да, шимоли-шарқий Кусон шаҳрида (КХДР вақти билан эрталабки соат 8:00) қайд қилган ҳодисани КХДРнинг ракетани учиришга уриниши деб баҳолаймиз», — дейилади хабарда.

Қўмондонликда маълум қилишларича, гап ўрта масофага учувчи «Мусудан» баллистик ракетаси ҳақида бораётган бўлиши мумкин.