Хитой раҳбари Трамп билан мулоқотда: Хитой ва АҚШ кўп соҳаларда ҳамкорлик қилиши мумкин ва керак
АҚШнинг янги сайланган президенти Дональд Трамп ва ХХР раиси Си Жинпинг илк марта телефон мулоқоти ўтказишди.
РИА Новости хабар беришича, томонлар ўзаро алоқаларни ривожлантириш хусусида, шунингдек, ўзаро учрашиш имкониятлари ҳақида гаплашишган.
Хитой раҳбари Трампни сайловдаги ғалаба билан қутлаган.
«Айни вақтда икки томон ўзаро муносабатларни ривожлантиришда улкан имкониятларга эга. Томонлар истиқболда ҳаракатларни мувофиқлаштирган ҳолда олиб бориши, иқтисодий ҳамкорликни ва барча соҳалардаги алоқаларни кенгайтириши керак. Хитой ва АҚШ ҳамкорлик қилиши мумкин ва лозим бўлган ишлар анчагина. Савдо алоқаларини кенгайтириш икки мамлакат халқлари фаровонлигини янада оширади», — Жингпиннинг сўзлари келтирилган Хитой Марказий телевидениесида.
Ўз навбатида Трамп АҚШ ва Хитой муносабатлари ривожланишда давом этишига умид билдирган.
Бундан олдинроқ, Трампни Бушлар оиласи вакиллари АҚШ президенти этиб сайлангани билан табриклагани хабар қилинганди.
Мавзуга оид
23:21 / 25.09.2024
Хитойда Си Жинпингни танқид қилган машҳур иқтисодчи йўқолиб қолди — ОАВ
10:15 / 30.08.2024
Байденнинг ёрдамчиси Си Жинпинг билан Россиянинг Украинадаги урушини муҳокама қилди
23:13 / 20.08.2024
Трамп президентлик сайловида ғалаба қозонса Илон Маскка Оқ уйдан лавозим таклиф қилади
21:54 / 04.08.2024