Буюк Британия «кулранг» Brexit режасини ҳозирламоқда

Буюк Британия ҳукумати раҳбари Тереза Мэй «махфий ”кулранг” Brexit режаси»ни ишлаб чиқиш бўйича «яшил чироқ»ни ёқди, деб ёзмоқда Sunday Times ўз манбаларига таянган ҳолда. Нашрнинг ёзишича, шу билан Британиянинг ЕИ таркибидан чиқишида қабул қилиниши эҳтимол бўлган зиддиятли оқ-қора қарорларнинг олди олинади. 

Яъни, мамлакат ҳукумати Brexit тарафдорлари ва бунга қаршиларнинг кўнглини топишга уриниб кўради. Масалан, бу режа ЕИга бадал тўлашга рухсат беришни назарда тутади. Аввалроқ, Европарламент Буюк Британия фуқароларига белгиланган бадал эвазига ЕИга аъзолик имтиёзларидан фойдаланиш ҳуқуқини тақдим этиш лойиҳасини муҳокама қилишни бошлаган эди.