Венгрия пойтахтига бронетранспортёрлар киритилди

Фото: RIA

Венгрия пойтахти Будапештда католик Рождество арафасида терактлар содир этилишидан хавотирланиб, бронетранспортёрлар киритилди. Бундан ташқари, шаҳарда кўп сонлик полиция ходимлари ва Аксилтеррорчилик маркази агентлари қўлларида автомат билан партул назорати олиб боришаётгани қайд қилинган.

Венгрия пойтахти ва бошқа бир қатор шаҳарларда хавфсизлик чораларини кучайтиришга мамлакат ички ишлар вазири Шандор Пинтер буйруқ берган. Таъкидланишича, Будапештдаги Верешмарти майдонида бош Рождество ярмаркасидаги хавфсизлик чораларига катта эътибор берилган. Шунингдек, Россия ва Германия элчихоналари қўриқланиши кучайтирилган.

19 декабрда Россиянинг Туркиядаги элчиси Андрей Карлов отиб ташланганди. Берлинда эса Рождество ярмаркасида юк машинасида номаълум кимса катта тезликда одамларни атайлаб уриб кетган. Оқибатда 12 киши ҳалок бўлган, 48 киши шифохонага етказилган. Теракт учун жавобгарликни ИШИД ўз зиммасига олган. Юк машинасини бошқарган жиноятчи яширинишга муваффақ бўлган. Ҳозирда у полиция томонидан қидирилмоқда.

Машина Польша автомобиль давлат рақамига эга бўлган. Унинг кабинасида Польша фуқароси жасади топилган. Тахминларча, уни террорчи ўлдирган.

#Венгрия #Будапешт #Рождество