Обама Россия билан ҳарбий ҳамкорликни чекловчи қонунни имзолади

АҚШ президенти Барак Обама мамлакат ҳарбий эҳтиёжлари учун пул маблағлари ажратиш бўйича қонунни имзолади, деб хабар қилмоқда РИА Новости агентлиги. 

Мазкур қонун, Россия билан ҳарбий ҳамкорликни челашни ҳам назарда тутади. 

«АҚШ мудофаа вазирлигининг 2017 молиявий йилги эҳтиёжлари учун ажратилган маблағлар АҚШ ва Россия ҳукуматлари ўртасидаги икки томонлама ҳарбий ҳамкорлик учун йўналтирилиши мумкин эмас. Фақатгина, мудофаа вазири давлат котиби билан ҳамкорликда Россия Украина ва НАТО аъзоларининг суверенитети ва ҳудудий яхлитлигига нисбатан таҳдид қилишга чек қўйгани хусусида Конгресснинг махсус қўмитасига ҳисобот топширган тақдирдагина, бунга йўл қўйилади», — дейилади ҳужжатда. 

Унда таъкидланишича, Россия Украина масаласи бўйича Минск келишувларини бажариши керак. 

Шу билан бирга, ҳужжатда ёзилишича, «мазкур чекловлар АҚШнинг қурол-яроғлар назорати ва тарқатмасликка оид ҳамда бошқа мазмундаги икки томонлама ва халқаро шартномалар бўйича мажбуриятларини бажаришга тўсқинлик қила олмайд».

Қонун бандлари, шунингдек, АҚШ ва НАТОнинг Афғонистондаги ҳаракатларини таъминлаш учун зарур бўлган чораларига нисбатан ҳам қўлланилмайди.