Пекинда экология полицияси ташкил этилди

Фото: © AP

Пекин ҳукумати смогга қарши курашиш мақсадида экология полициясини ташкил этди. Бу ҳақда 8 январь куни The Telegraph хабар бермоқда.

Янги тузилманинг мажбуриятларига чиқиндиларни, ўтинларни, шунингдек, турли биоматериалларни рухсатсиз ёқиш ҳолатларини аниқлаш ва тартибга олиш киради. Бундан ташқари, экология полицияси очиқ осмон остида барбекю тайёрлаш ҳолатларининг ҳам олдини олади.

Сўнгги йилларда Хитойдаги экологик вазият кескин ёмонлашди. Саноат чиқиндиларининг концентрацияси оқибатида шаҳарлар атмосфераси смог билан қопланди.

#Пекин #экология

Kun.uz янгиликларини Google News'да кузатинг

+ Обуна бўлиш