Қўшимча функционаллар
-
Тунги кўриниш
Бишкекда юз берган авиаҳалокат қурбонлари сонига аниқлик киритилди
Фото: РИА "Новости"
Қирғизистон фавқулодда вазиятлар вазирлигида Бишкекда юз берган авиаҳалокат қурбонлари сонига аниқлик киритилди.
Хабарда айтилишича, юк самолётининг "Манас" аэропорти яқинидаги Дача-Суу қишлоғига қулаши оқибатида 31 киши ҳалок бўлган, 11 киши шифохоналарга етказилган.
Аввалроқ 37 киши ҳалок бўлгани, улар орасига самолёт экипажининг 4 нафар аъзоси ҳам кириши маълум қилинганди.
ACT Airlines авиакомпаниясининг Гонконгдан Истанбулга Бишкекда тўхташ билан рейс амалга ошираётган "Боинг 747-400" юк самолёти 16 январь эрта тонгда Бишкек яқинида фалокатга учраган. Ҳалокатга ёмон об-ҳаво шароитлари сабаб бўлгани айтилган.
Самолёт ғарбдан шарққа томон қўнмоқчи бўлган, бироқ буни қила олмагач, иккинчи уринишга кетмоқчи бўлган. Маълум қилинишича, самолёт қўнишни амалга ошираётганда аэропортдан 1,5-2 км узоқликда қулаган. Самолёт экипажи 5 кишидан иборат бўлган.
Мавзуга оид
18:17 / 19.05.2025
Бишкекда ўзбекистонлик талаба автоҳалокатга учради. Комада ётган қизнинг онаси ёрдам кутяпти
21:07 / 09.04.2025
Қирғизистонда давлат тўнтаришига уриниш бостирилгани эълон қилинди
18:09 / 22.01.2025
Қирғизистонда тирбандликларга барҳам бериш учун пойтахтни кўчириш таклиф қилинди
11:00 / 26.09.2024