Путин Алишер Усмоновни мукофотлади

Россия президенти Владимир Путин меценат (кўп ҳадялар берувчи киши) Алишер Усмонов ва "Группа компаний "Ренова" директорлар кенгаши раиси Виктор Вексельбергнинг самарали хизматларини тақдирлади. Путин уларга "За благодеяние" (Хайрли ишлари учун) кўкрак нишонларини топширди. Бу ҳақда Россия давлат раҳбари матбуот котиби Дмитрий Песков маълум қилган.

Ҳуқуқий маълумотлар расмий порталига кўра, Усмонов, Вексельберг ва бошқа қатор тадбиркорларни "За благодеяние" кўкрак нишони билан тақдирлаш тўғрисидаги фармонни 2016 йил июнь ойида имзолаган. Улар "хайрия соҳасига қўшган катта ҳиссалари ва серқирра ижтимоий фаолияти учун" тақдирланишган.