Қўшимча функционаллар
-
Тунги кўриниш
Жаҳон | 08:39 / 02.02.2017
22615
1 дақиқада ўқилади
АҚШ Эронга расман огоҳлантириш қилди
АҚШ маъмурияти Эронга унинг баллистик ракеталар синови билан боғлиқ ҳолда минтақадаги "барқарорсизликка олиб келувчи фаолияти" сабабли расмий огоҳлантириш қилди. Бу ҳақда Reuters ахборот агентлиги хабар бермоқда.
Бу ҳақда АҚШ президентининг миллий хавфсизлик бўйича маслаҳатчиси Майкл Флинн маълум қилди.
"Биз Эронга расмий огоҳлантириш қилмоқдамиз", деб айтган Флинн.
Унинг айтишича, ўтган дам олиш кунлари Эрон томондан ракеталар учирилиши БМТ Хавфсизлик кенгаши резолюциясининг бузилиши бўлган.
Аввалроқ Эрон мудофаа вазири Ҳусайн Деҳқон янги ракета синовдан ўтказилганини тасдиқлаганди. Унинг айтишича, янги ракета синовлари халқаро альянс билан ядро дастури бўйича келишув ёки БМТ резолюциясига зид келмайди.
