«Ростов-Арена» стадиони қурилишида ёш ишчи бахтсиз ҳодиса қурбони бўлди

Россиянинг Ростов шаҳрида барпо қилинаётган стадионда ёрдамчи ишчи металл плита босиб қолишидан ҳалок бўлди. 

Фожиа Ростов вилояти марказининг чап қирғоғида 2 февраль куни юз берган. «Ростов-Арена» футбол стадионидаги қурилиш ишлари чоғида Аҳмад исмли ишчи металл плиталар остида қолиб кетган. 

Гувоҳларнинг сўзларига кўра, хизматчи 2 соат ҳушсиз ётган. Тез ёрдам эса, кечқурун етиб келган. 

“Нима учун тез ёрдам икки соатда келади? Ахир, гап инсон ҳаёти ҳақида кетаётган эди. Нима учун бу масалага масъулиятлироқ ёндашилинмайди? Йигит ёш, ҳеч нарсани кўрмасдан хазон бўлди”, - дейди марҳумнинг танишларидан бири. 

Ростовликлардан бирининг айтишича, ёш йигит қурилишда ёрдамчи бўлиб ишлаган. у 3 февралда шаҳар шифохонасида ҳаётдан кўз юмган.