Олимлар «ҳаво бомбаси» қандай шаклланишини намойиш қилишди

Американинг геофизика жамияти Атлантика океанининг шимолий қисмида кучли тўфон қандай шаклланишига доир видеолавҳани намойиш этди. 

«Ҳаво бомбаси»ни GOES-16 метеорология сунъий йўлдоши тасвирга олган. Мазкур тўфон Американинг Мэриленд штатида тезлиги соатига 80 кмни ташкил этувчи кучли шамолни келтириб чиқаришга улгурди. 

Геофизика жамияти олимларининг фикрича, «ҳаво бомбалари» ўзининг қоқ марказида ўта паст ҳаво босимини шакллантиради. У нафақат ҳаво оқимига, балки Ернинг сейсмик фаоллигига ҳам таъсир кўрсатади.