Деҳқон бозорларида терминалсиз савдо қилиниши давом этади

Ўзбекистон президентининг «Пул муомаласини янада такомиллаштириш ва банк пластик карталаридан фойдаланган ҳолда ҳисоб-китобларни ривожлантириш чора-тадбирлари тўғрисида»ги Қарори фақат кўчмас савдо нуқталарига тааллуқли бўлиб, деҳқон бозорларидаги сотувчилар 1 мартдан кейин ҳам терминалсиз фаолият юритиши мумкин. Бу ҳақда «Новости Узбекистана» нашрининг Давлат солиқ қўмитаси матбуот хизматига асосланиб хабар берган.

«Президент томонидан имзоланган ҳужжат фақат кўчмас савдо нуқталари — озиқ-овқат ва буюм дўконлари, жумладан, бозорлардаги дўконлар, савдо шохобчалари, бекатлардаги Paynet шохобчалари, қаҳвахоналар, сартарошхоналар ва ҳоказоларга тааллуқлидир», деган давлат солиқ қўмитаси матбуот котиби Музаффар Назаров.

У деҳқон бозорлари савдо қаторлари деб юритилишини қайд этиб ўтган.