Туркияда террорчиликни тарғиб қилгани учун немис журналисти қўлга олинди

Германиянинг Die Welt газетаси мухбири Дениз Юсел турк ҳукумати томонидан террорчиликни тарғиб қилиш ҳамда нафратни қўзғатишда айбланиб қўлга олинди. Бу ҳақда Истанбулдаги ОАВ хабар берди.

Қўлга олиш ҳақидаги қарор Истанбул суди томонидан чиқарилган, журналистнинг ўзи эса 18 февралдан қамоқда сақланаётганди.

Мухбир Туркия президентининг қариндоши, энергетика вазири Берат Олбайроққа тегишли электрон манзилдан материалларни эълон қилишда айбланмоқда. У 2016 йилнинг декабрида WikiLeaks томонидан бузиб кирилган. Хатларда турк ОАВ устидан назорат ҳамда ижтимоий тармоқларда жамоатчилик фикрини бошқариш мумкин бўлган махсус саҳифаларни яратиш масалалари муҳокама қилинган.

Туркия ҳукумати ҳаракати Берлинда кескин норозиликка сабаб бўлди, Германия канцлери Ангела Меркель эса суд қарорини “қайғули ва ачинарли” деб атади. “Ҳукумат (Германия – таҳ.) Туркия адлия тизими Юсел иши орқали барча демократик жамиятларда матбуот эркинлиги нақадар муҳим эканлигини ҳисобга олишидан умидвор", - дейилади канцлер баёнотида.

Маълумот учун, Юсел иккита – Германия ва Туркия фуқаролигига эга.