Аргентинада ўқитувчилар норозилик намойишига чиқишди

Аргентина пойтахти Буэнос-Айрес шаҳрида ўқитувчилар мамлакат президенти Маурисио Макрининг маошлар бўйича чегара ўрнатиб қўйиш қарорига қарши норозилик намойишига чиқишди. Ҳодиса тасвирлари Ruptly томонидан эълон қилинган.

Намойиш вақтида хавфсизликни таъминлаш учун ҳуқуқ-тартибот органларининг 2 минг ходими жалб этилган. Педагоглар Миллий конгресс биноси олдигача келишган. Акция тинч характерда ўтиб, полиция ва намойишчилар ўртасида тўқнашувлар рўй бермаган.