Том Ҳэнкс ўзининг УАЗ фургонини «кўз-кўз қилди»

Америкалик машҳур актёр Том Хэнкс ўз мухлислари ва ижтимоий тармоқдаги обуначиларига ўзининг янги хариди – Россиянинг УАЗ автомобилини намойиш қилди.

Хэнкснинг айтишича, УАЗ фургони унга саёҳатлар учун керак.

"Менда янги юк машинаси бор! Мен унда кемпингга жўнаяпман", деб ёзган актёр Instagram’да.

Актёрнинг россиялик обуначилари УАЗ ҳақиқатан ҳам шундай сафарлар учун мос келишини айтиб, актёрга яна бир жуфт шундай машинадан харид қилишни тавсия қилишган. Фойдаланувчилардан бири актёрни машинасида "қўзиқорин теришга боришга" таклиф қилган.   

Бироқ бунга ишонмаганлар ҳам топилди, уларнинг фикрича актёр Россия машинасини Будапешт кўчаларидан бирида кўриб, шунчаки унинг ёнида суратга тушган.