Қўшимча функционаллар
-
Тунги кўриниш
Путин Россия ва Ўзбекистон стратегик ҳамкорлар эканини қайд этди
Россия президенти Владимир Путин Ўзбекистон президенти Шавкат Мирзиёевга икки мамлакат ўртасида дипломатик муносабатлар ўрнатилганига 25 йил тўлиши муносабати билан табрик телеграммаси йўллади. Табрик матни Кремль сайтига жойлаштирилган.
«Ҳурматли Шавкат Миромонович, мамлакатларимиз ўртасида дипломатик муносабатлар ўрнатилганининг 25 йиллиги муносабати билан самимий табригимни қабул этинг. Кейинги йилларда Россия-Ўзбекистон муносабатлари стратегик ҳамкорлик даражасига кўтарилди. Мазмунли сиёсий мулоқотимиз, савдо-иқтисодий, илмий-техник, гуманитар ва бошқа соҳаларда ҳамкорлигимиз изчил ривожланиб бормоқда. Бизнинг мамлакатлар ҳудудий ва халқаро кун тартибида турган муҳим масалаларни ҳал қилишда самарали ҳамкорлик қилмоқда», — дейилган табрикда.
У биргаликда қилинган саъй-ҳаракатлар Россия ва Ўзбекистоннинг дўстона халқлари манфаатлари йўлида ҳамда Марказий Осиёда тинчлик ва барқарорликни мустаҳкамлаш мақсадларига хизмат қилишига ишонч билдирган.
Владимир Путин Шавкат Мирзиёевга мустаҳкам соғлиқ ва муваффақиятлар, Ўзбекистон халқига эса – бахт ва фаровонлик тилаган.
Мавзуга оид
00:04 / 27.03.2019
Илҳом Неъматов Москвада Ўзбекистон-Россия стратегик ҳамкорлиги мавзусини муҳокама қилди
21:00 / 30.11.2017
Тошкентда Ўзбекистон ва Россия стратегик ҳамкорлигининг 25 йиллигига бағишланган тадбир бўлиб ўтди
20:25 / 28.05.2017
Ўзбекистон Республикаси ва Хитой ўртасидаги стратегик ҳамкорлик янада кенгайтирилади
17:33 / 29.11.2016