Россиялик полвон 312 тонналик порт кранини жойидан силжитди
Россиянинг Узоқ Шарқ ўлкасининг пауэрлифтинг ва оғир атлетика бўйича чемпиони Иван Савкин 19 март куни оғирлиги 312 тонна келадиган порт кранини жойидан силжита олди.
Спортчининг айтишича, у кранни иккинчи уринишда 1,5 метрга силжита олган.
Ушбу акция Приморье ўлкасининг Ливадия посёлкасидаги кемаларни таъмирлаш заводи ҳудудида ўтган. Завод ходимлари, маҳаллий аҳоли ва журналистлар рекорднинг ўрнатилиши гувоҳи бўлдилар.
Савкин ёшлигини Қримнинг Ялтасида ўтказган.
"Ялта яқинида Ливадия посёлкаси бор. Бизнинг рекорд Приморьенинг шу номдаги посёлкасида ўрнатилгани ўзига хос воқеа бўлди", деб айтган Савкин.
Савкин ўз фаолияти давомида кўп тонналик аэробус, паром, тепловоз, "Оса" зенит-ракета мажмуаси, Т-34 ва Т-54Б танкларини жойидан силжита олган.
Мавзуга оид
08:20
Россия ҳукумати «ёт қадриятларни ўрнатувчи» давлатлар рўйхатини тузди
21:46 / 20.09.2024
Иккинчи тинчлик саммити урушга чек қўйиши керак — Зеленский
20:54 / 20.09.2024
Россиядаги энг кўп меҳнат муҳожирлари Ўзбекистон фуқаролари экани маълум қилинди
20:27 / 20.09.2024