Ўзбекистон-Қозоғистон чегара пунктлари иш режими ўзгаради

Ўзбекистон ва Қозоғистон чегарасида икки янги ўтказиш пункти пайдо бўлади, амалдаги учтаси эса – кечаю-кундузлик режимга ўтказилади, деб хабар бермоқда «Казинформ».

«Биз мамлакатларимиз ўзаро алоқалари учун барча чораларни кўрмоқдамиз. Ўзбекистон билан чегарада икки қўшимча ўтказиш пунктини очиш, шунингдек амалдаги автомобилларни ўтказиш учта пунктини кечаю-кундузлик иш режимига ўтказиш режалаштирилмоқда», - дея хабар берди Қозоғистон инвестициялар ва ривожланиш бўйича вазири Женис Касимбек Остонадаги қозоқ-ўзбек форуми давомида.

Шунингдек унинг хабар қилишича, Қозоғистон пойтахтидан Тошкентга икки авиарейс йўлга қўйилади.

«Яқинда Олмаота-Тошкент, Тошкент-Олмаота тезюрар поезди йўлга чиқарилди, ҳозирнинг ўзида унга чипталар топиб бўлмаяпти. Остонадан Тошкентга бир ҳафтада қўшимча иккита рейс парвоз қилади. Яъни, Олмаотадан 12та рейсга эга бўлсак, Остонадан 6та бўлади – деярли ҳар куни», - дея қўшимча қилиб ўтган вазир.