Покистонда ибодатхона хизматчиси 20 кишини ўлдиргани аниқланди
Покистоннинг Саргодха шаҳридаги маҳаллий ибодатхонанинг хизматчиси 20 кишини ўлдиргани, 3 кишини яралагани аниқланди. Бу ҳақда Dawn нашри хабар бермоқда.
4 киши воқеа жойидан қочишга муваффақ бўлган. Айнан улар воқеа ҳақида полицияга хабар беришган. Шундай кейин ибодатхонада назоратчи бўлиб ишлаган эркак ва унинг эҳтимолий шериклари қўлга олинган.
«Ибодатхонанинг 50 ёшли хизматчиси Абдул Воҳид бу одамларни ўлдирганини тан олди", деб айтган полиция бошлиғи Зулфиқор Ҳамид.
Шаҳар полиция комиссари ўринбосари Лиакат Али Чаттанинг айтишича, эркак қурбонларни ўз хонасига биттама-битта чақиртириб, уларга маст қилувчи модда қўшилган егулик бериб, сўнгра уларни ёғоч билан савалаб, ханжар билан ўлдирган.
Чаттанинг айтишича, эркак руҳан носоғлом бўлган, бироқ маҳаллий аҳоли буни рад этмоқда.
Айни вақтда полициячилар ибодатхона ҳудудига яширилган 20 нафар жасадни аниқлашган. Таъкидланишича, қурбонлар орасида 3 аёл ва 17 эркак бўлган.
Таъкидланишича, эркак шу тариқа собиқ диний раҳнамо Али Муҳаммаднинг ўлими учун ибодатхонага қатновчилардан ўч олишга қарор қилган. Унинг фикрича, Али Муҳаммад икки йил аввал заҳарлаб ўлдирилган.
Мавзуга оид
21:12 / 22.09.2024
Покистонда Россия элчиси кортежидаги автомобил мина билан портлатилди
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
14:10 / 10.09.2024
Нидерландияда қотилликка ундаганликда айбланган икки покистонлик судланди
12:27 / 21.08.2024