General Motors’нинг Венесуэладаги заводи қўлга олинди

АҚШнинг General Motors компанияси Венесуэла шимолидаги  Валенсия саноат ҳудудида жойлашган заводи Венесуэла ҳукумати томондан ноқонуний қўлга олинганини маълум қилди. Бу ҳақда компанияга иқтибос келтирган ҳолда Reuters ахборот агентлиги хабар бермоқда.    

Маълум қилинишича, концерн ўз ҳуқуқларини ҳимоя қилиш учун барча зарур бўлган қонуний ҳааркатларни амалга оширади.

Концерн кутилмаганда Венесуэла ҳукумати назоратига олинган. GM’да бундай шароитларда корхона нормал ишлай олмаслиги таъкидлаб ўтилди. Бундан ташқари, автоконцерннинг ишлаб чиқариш майдончаларидаги барча активлар, жумладан автомобиллар тортиб олинган.   

Компанияда таъкидланишича, заводнинг ноқонуний қўлга олиниши компаниянинг ўзига, унда ишловчи 2678 ходимга, 79 дилерга ва барча етказиб берувчиларга катта зарар етказади.  

Ахборот агентлиги Венесуэла ҳукуматидан ушбу масала бўйича изоҳ олишга муваффақ бўлмаган.