Эйфель чўққисидан эшитилган “Ўзбекистон” садоси

Франция. Париж, Эйфель минораси. Унинг энг баланд нуқтасида ўзбек йигити миллий дўппилардан бирини кийиб олиб, қўлида Ўзбекистон байроғини ушлаганча, Халқ шоири Муҳаммад Юсуфнинг “Ўзбекистон” шеърини ўқиётганининг гувоҳи бўлиш мумкин. Йигит бу шеърни тўлқинланиб, юзида табассум билан ёддан айтиб берган. Бу видеоролик Кун.uz мобил мухбири томонидан тақдим этилган.

Унинг атрофида юрган чет эллик сайёҳлар байроққа қараб йигитнинг Ўзбекистондан эканлигини таъкидлашган. Буни видеодаги овозлардан ҳам билса бўлади. У ўз шеърини ўқиб якунлагач, ён-атрофдан қарсаклар билан уни олқишлашган.