Қўшимча функционаллар
-
Тунги кўриниш
Mitsubishi янги кроссвэнининг фото ва видеоси пайдо бўлди
Фото: Колеса
Mitsubishi компанияси MPV сегментидаги, XM концепти йўналишида бўлган дизайнга эга янги моделни серияга чиқаришга тайёргарлик кўрмоқда.
“Сал кўтарилган” етти ўринли минивэннинг тест нусхаси Японияда Mitsubishi Motors Corporation директорлар кенгаши раҳбари Карлос Гонга намойиш этилди. Маҳаллий телеканаллардан бири эса, янги модель атиги бир неча сонияга пайдо бўлувчи сюжетни кўрсатган. Бундан ташқари, Твиттерда тадбирдан олинган фотосуратлар тарқалди.
Кроссвэн ўтган йилнинг ёзида намойиш этилган Mitsubishi XM концептига жуда ўхшаш тарзда яратилди. Етти ўринли янги транспорт воситаси компаниянинг Индонезиядаги янги заводида йиғилади. Айнан шу давлат модель учун асосий бозорга айланади. Шунингдек, автомобилни Таиланд, Вьетнам ва Филиппинда сотиш ҳам режалаштирилган.
Норасмий маълумотларга кўра, серияли модель Expander номини олиши мумкин. Унинг моторлари орасида 1.5 бензинли двигатель бўлади. Харидорларга дизелли қурилмага эга MPV ҳам таклиф қилиниши мумкин. Узатма фақатгина олдинги бўлади.
Тахминларга кўра, вэн оммавий тарзда жорий йилнинг ёзидан бошлаб ишлаб чиқарилади.
Мавзуга оид
15:18 / 25.12.2020
Mitsubishi Навоийда қиймати деярли 1 млрд долларга тенг бўлган кимё мажмуаси қурилишини якунлади
00:08 / 23.09.2019
Mitsubishi бир ходими сабабли 320 млн доллар йўқотди
07:54 / 26.09.2018
“Ўзбекнефтгаз” ва Mitsubishi биргаликда ишчи гуруҳ тузади
00:03 / 03.08.2018