Видео: Америкалик кекса вазир Трамп нутқ сўзлаётган вақтда ухлаб қолди

АҚШ савдо вазири Уилбур Росс президент Доналд Трамп Ар-Риёдда бўлиб ўтган араб мамлакатлари етакчилари саммитида нутқ сўзлаётган вақтда ухлаб қолаёзган. Бу ҳақда Times of Oman нашрида ёзилган.

Трампнинг нутқи Оқ уй матбуот хизмати томонидан тўғридан-тўғри трансляция қилинган.

Трамп терроризм муаммоси ҳақида гапираётганида камералар Иванка Трамп билан бир қаторда ўтирган вазирга қаратилганди. Бу вақтда эса Росс қулоғига таржима учун мўлжалланган қулоқчин таққан ҳолда мудраётганини кўриш мумкин.

Шу йилнинг ноябрида жаноб Росс 80 ёшга тўлади. У Америка президенти маъмуриятига киргунига қадар банк соҳасида меҳнат қилган, бизнес билан шуғулланган ва инвестиция жамғармалари билан ҳамкорлик қилган.