Манчестерда теракт. Қонли ҳодиса бўйича барча маълумотлар

Фото: Reuters

22 май оқшомида Манчестер шаҳридаги Manchester Arena ёпиқ стадионида портлаш рўй берди. Бу вақтда америкалик хонанда Ариана Гранденинг концерти бўлаётганди. Полиция маълумотларига кўра, ҳодиса оқибатида камида 19 киши ҳалок бўлган, 59 киши жароҳатланган.

Жабрланувчилар яқин шифохоналарга олиб борилган, баъзи кишиларга стадионнинг ўзида тиббий ёрдам кўрсатилган. BBC News хабарига кўра, кўпчиликда мих санчилиши туфайли жароҳатлар қайд этилган.

Портлаш ҳақидаги ахборот маҳаллий вақт билан соат 22:35 да (Тошкент вақти билан 02:35 да) келиб тушди. Ҳодисага оид видеолар тарқалган.

Ҳозирча портлаш қандай содир этилгани ҳақида аниқ маълумотлар йўқ. Ҳуқуқ-тартибот органлари ҳодисани террорчилик акти сифатида кўриб чиқмоқда. Америкадаги нашрлар портлаш террорчи худкуш томонидан содир этилгани ҳақида маълум қилди.

Стадион жойлашган Cathedral Garden тумани аҳолисига уйлардан чиқмаслик сўралди, ҳудудда полициячилар навбатчилик қилмоқда.

Манчестердаги портлашга оид илк видеолар тарқалди

Буюк Британия бош вазири Тереза Мэй Манчестердаги ҳодисани «қўрқинчли террористик акт» дея баҳолади ва қурбонларнинг яқинларига ҳамдардлик билдирди.

Дунёдаги кўплаб мамлакатлар раҳбарлари бу терактни қораламоқда.

Canadians are shocked by the news of the horrific attack in Manchester tonight. Please keep the victims & their families in your thoughts.
— Justin Trudeau (@JustinTrudeau) May 23, 2017

Heartbreaking news from Manchester. My thoughts are with all those who have lost loved ones or been injured in this barbaric attack.
— Nicola Sturgeon (@NicolaSturgeon) May 23, 2017

Ариана Гранде бу ҳодиса бўйича чиқиш қилди, у твиттерида бу ҳодисадан кейин «қалби сингани» ҳақида ёзди.

«Қалбим синди. Бу ҳодиса учун афсусдаман, бу афсусимни сўз билан ифодалаб бера олмайман», деди у.

broken.
from the bottom of my heart, i am so so sorry. i don't have words.
— Ariana Grande (@ArianaGrande) May 23, 2017

Ироқдаги Akhbaar нашри маълумотига кўра, теракт учун жавобгарликни ИШИД ўз зиммасига олди.

Полиция маълумотига кўра, портлаш стадион фойесида юз берган, Manchester Arena маъмурияти эса ҳодиса «иншоотдан ташқарида, жамоат жойида» юз берганини таъкидламоқда. Портлашдан кейин шаҳарнинг асосий темирйўл бекатларидан бири, арена яқинидаги Manchester Victoria бекати ёпилган.

Manchester Arena асосан концертлар ўтказиш учун мўлжалланган. Унинг ҳудудида икки хоккей клуби ва бир баскетбол жамоаси ҳам жойлашган.