Трамп ва Абэ КХДРга қарши санкцияларни кескинлаштиришга келишиб олди

АҚШ президенти Доналд Трамп ва Япония бош вазири Синдзо Абэ Италиядаги G7 саммити доирасида ядровий дастурини ривожлантиришда давом этаётгани туфайли Шимолий Кореяга қарши санкцияларни қатъийлаштиришга келишиб олган. Бу ҳақда Оқ уйга асосланиб Reuters агентлиги хабар тарқатди.

«Президент Трамп ва бош вазир Абэ Шимолий Корея ва бу давлатнинг ядровий дастурини қўллаб-қувватлаётган компанияларга қарши санкцияларни кескинлаштиришда ҳамкорлик қилишга келишиб олди», — дейилган Оқ уй маълумотида.

Қайд этилишича, Вашингтон ва Токио  «КХДРга қарши ҳимояланиш» мақсадида ўз мудофаа салоҳиятини кучайтириш бўйича келишувга эришган.