Таиландда сайёҳлар учун мажбурий суғурта жорий этилиши мумкин

Фото: Global Look Press

Таиланд туризм ва спорт вазирлиги қиролликка ташриф буюрувчи барча хорижликлар учун мажбурий суғурта жорий этишни таклиф қилди. Бу ҳақда Bangkok Post газетаси ёзмоқда.

Нашр манбаларига кўра, вазирлик сайёҳларга чегара назоратидан ўтиш чоғида полисни тақдим этиш мажбуриятни юклаши мумкин. Суғурта қийматига ойдинлик киритилмади.

Газета суҳбатдошининг маълум қилишича, бундай чора Таиландга келувчи саёҳатчилар учун жиддий тўсиққа айланмайди. Вазирлик шунингдек, мамлакат халқаро аэропортлари ва ер устидаги чегара назорати ўтиш пунктларида шундай ҳужжатларни берувчи махсус автоматлар ўрнатишни таклиф қилган.

Маълумот учун, айни дамда Таиланд шифохоналари ҳордиқ пайтида жабрланган туристларни даволаш бўйича харажатларни, агарда уларда тиббий хизматларни тўлаш учун маблағ бўлмаса, аксарият ҳолларда ўз бўйнига олади.