Шойгу: Россия Тожикистон ва Қирғизистондаги ҳарбий базаларини кучайтиради

Россия Тожикистон ва Қирғизистондаги ҳарбий базаларини янги қурол-аслаҳалар билан кучайтиради. Шу билан Афғонистондаги террорчилик фаоллигининг Марказий Осиё минтақасига кўчишига тўсқинлик қилиш кўзда тутилган. Бу ҳақда Россия мудофаа вазири Сергей Шойгу баёнот берди, деб хабар қилмоқда РИА Новости.

«Россия мудофаа вазирлиги террорчилик фаоллигини Афғонистондан Марказий Осиё минтақасига кўчишининг олдини олиш учун барча чораларни кўради. Шу мақсадда, Тожикистон ва Қирғизистондаги ҳарбий базаларимиз жанговар тайёрлигини кучайтирамиз. Уларни замонавий қуроллар ва ҳарбий техника билан таъминлаймиз», — деган Шойгу ШҲТ мамлакатлари мудофаа вазирларининг Остонада бўлиб ўтган йиғилишида. 

Унинг сўзларига кўра, Россия, шунингдек, Марказий Осиё давлатларининг қуролли кучларига ёрдам беради. 

Аввалроқ, Россия Тожикистондаги ҳарбий базасини «Ураган» ракета тизимлари билан жиҳозлагани ҳақида хабар қилинган эди.