Яманда вабодан ўлганлар сони 800 нафарга яқинлашди

Яманда вабо касаллигидан ҳалок бўлганлар сони 791 нафарга яқинлашди, деб хабар қилмоқда Рейтер агентлиги Жаҳон Соғлиқни сақлаш ташкилотига таянган ҳолда. 

Аввалроқ, 727 киши вафот этгани ҳақида хабар қилинган эди. ЖССТ маълумотларига кўра, Яманда 27 апрелда қайта тарқала бошлаганидан сўнг, 7 июндаги ҳолатга кўра, касалланганларнинг умумий сони 101,8 минг кишига етди. Уларнинг деярли ярми 15 ёшдан кичиклардир. 

Яманнинг соғлиқни сақлаш мулозимларининг маълум қилишича, БАА мамлакат жанубидаги Аден шаҳрига ҳаво орқали вабога қарши 50 тонна дори-дармонларни етказиб берган.