CLICK поездларга чипталарни онлайн харид қилиш имкониятини жорий этди

CLICK компанияси “Ўзбекистон Темир Йўллари” АЖ билан ҳамкорлик ишга тушгани ва CLICK тизими орқали бевосита темир йўл компаниясининг сайтида чипталарни харид қилиш имконияти жорий қилингани хабар қилди.

“Ўзбекистон Темир Йўллари” АЖ билан ишга туширилган ҳаморлик натижасида 3 миллиондан ортиқ CLICK фойдаланувчилари миллий темир йўл ташувчининг чипталарини онлайн тарзда харид қилиш имкони муваффақиятли ўз ечимини топди.

Темир йўл чипталарига тўловни амалга ошириш жараёни бутунлай автоматлаштирилган ва жуда қулай. Бунинг сабаби - янги ечимлар маршрутлар ва ҳатто жойларнинг қайси бири бўшлигини, йўлакча ёки ойнага яқинини танлаш имконигача, айнан шу пайтдаги актуал маълумот ва ҳолатини етказиб беради, ҳамда бу эса ўз ўринда сафарларни режалаштиришда ва бевосита чиптани харид қилишда йўловчиларга қўшимча қулайликлар яратмоқда.

“Компаниямиз миллий ташувчи - “Ўзбекистон Темир Йўллари” АЖи билан биргаликдаги ҳамкорликдан ва чипталарни онлайн харид қилиш имконияти ишга тушганидан жуда мамнунмиз. Ўйлаймизки, бизнинг кўплаб фойдаланувчиларимиз ушбу хизматни қулай деб топишади. Биз эса, эришилган натижаларимизда тўхтамай, фойдаланувчиларимиз учун тўловларни амалга оширишдаги имкониятларини янада кенгайтиришга ҳаракат қиламиз”, - деб таъкидлади CLICK компаниясининг Бош директори Улуғбек Рустамов.

Хизматлар “Info Zone” МЧЖ иштирокида кўрсатилади. Хизмат ҳақи чиптанинг умумий нархидан 2%.