НАТО қирувчиси Россия мудофаа вазири самолётига яқинлашишга уринди

Фото: © U.S. Air Force photo by Staff Sgt. Jonathan Snyder

НАТОнинг F-16 қирувчиси Болтиқ денгизи устида Россия мудофаа вазири Сергей Шойгунинг самолётига яқинлашишга уринди. Бу ҳақда РИА «Новости» хабар бермоқда .

Агентлик маълумотига кўра, НАТО самолётлари Шойгу лайнери Калининградга парвоз қилаётган пайтда унга Болтиқ денгизи нейтрал сувлари устида ҳамроҳлик қилишга уринган.

Альянс самолётларидан бири РФ мудофаа вазирлиги раҳбари бортига яқинлашишга ҳаракат қилган, бироқ улар ўртасига Россиянинг Су-27 самолёти суқилиб кирган. Шундан сўнг F-16 бошқа томонга учиб кетган.