App Store'дан юз минглаб иловалар ўчириб ташланди

Фото: Apple Insider

Apple дўконидан ташлаб қўйилган, эскирган, қонунчиликни бузувчи ёки фойдаланувчилар учун хавфли бўлган иловалар фаол равишда ўчириб ташланмоқда.

Биринчи навбатда иловалар ва ўйинларнинг клонлари ўчирилмоқда, деб хабар берди Techcrunch. Масалан, Flappy Bird’га ўхшаш барча нусхалар ўчирилган ёки энди ўчирилади. Шунингдек, спамли, ҳаддан ташқари кўп рекламага эга ва 64-битли йўриқномаларга эга бўлмаган иловалар ҳам ўчириб ташланиши мумкин. Йиллар давомида юклаб олинмаган дастурлар ҳам йўқ қилинади.

Шуниси аниқки, дўкондаги маҳсулотлар орасида энг сифатлиларини танлаб олиш бўйича ишлар кетмоқда. Apple компанияси ўтган йили App Store’да сифатсиз иловалар кўп эканидан ташвишда эканини билдирганди. Бунинг устига, улар оддий стандартлар бўйича ҳам эскирган.

Ўшанда 50 мингдан ортиқ илова ўчирилганди, бироқ, энди бундай “кураш” анча кенг кўламли бўлади.

#Apple #илова #App Store