Манчестердаги теракт қурбонлари яқинлари ҳукуматдан ҳалигача ёрдам олишмади

Буюк Британия ҳукумати Манчестердаги стадионда юз берган теракт қурбонлари оиласига ҳалигача молиявий ёрдам кўрсатмади. Бу ҳолат шаҳар ҳукумати ҳодисадан сўнг бу ҳақда дарҳол мурожаат қилганига қарамай юз берган, деб ёзмоқда The Guardian газетаси.

Шаҳар ҳокими Энди Бернхэмнинг сўзларига кўра, стадиондаги портлаш сабаб жароҳатланганлар ва ҳалок бўлганлар оилалари Британия ҳукуматидан етарли даражада ёрдам олишмаган. Шунингдек, шаҳар кенгашининг маълум қилишича, шаҳар аҳолиси ҳукумат яқин орада ҳеч нарса қилмаса, “жуда хафа” бўлишади.

Нашрнинг таъкидлашича, бош вазир Тереза Мэй Лондондаги осмонўпар бинодаги ёнғин қурбонлари яқинларига, ҳодиса юз берганидан бир неча кун ўтибгина 6,2 млн доллар ҳақида ваъда берган.