Мирзо Улуғбек туманида 5,5 млн сўмлик мулкни ўғирлаб кетган шахс ушланди

2017 йилнинг 25 июнь куни тахминан соат 16:00ларда номаълум шахс Мирзо Улуғбек тумани ҳудудида фуқаро Тоҳир Расуловнинг (жабрланувчининг анкета маълумотлари ўзгартирилган) хонадонида бўла туриб, у ухлаб қолганлигидан фойдаланиб, жами 5.525.000 сўмлик мол-мулкини ўғирлаган. Бу ҳақда пойтахт ИИББ хабар берди.

Мазкур ҳолат юзасидан, Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 169-моддаси 1-қисми (ўғирлик, яъни ўзганинг мол-мулкини яширин равишда талон-торож қилиш) аломатлари билан жиноят иши қўзғатилган. 

Ички ишлар идоралари ходимлари томонидан ўтказилган тергов-тезкор тадбирлари натижасида, мазкур жиноятни муқаддам судланган Алексей Копитин содир этганлиги аниқланган.

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда. 

Юқоридаги шахснинг хатти-ҳаракатидан жабр кўрганлар бўлса, «102» телефон рақамига ёки яқин атрофдаги ички ишлар органларига мурожаат этиши мумкин.