Кўп миқдордаги туз инсон миясига салбий таъсир кўрсатади

Олимларнинг аниқлашича, ҳаддан ташқари кўп миқдорда туз истеъмол қилиш, кўп ўтириш ва когнитив бузилишлар ўртасида боғлиқлик бор.

Бутунжаҳон соғлиқни сақлаш ташкилотининг таъкидлашича, ҳар куни 3-4 граммдан ортиқ туз истеъмол қилмаслик тавсия этилади. Ушбу кўрсаткичдан ортиқ ҳажмдаги тузнинг истеъмоли бош мия томирлари, унинг чуқур тузилмаларидаги алмашинув жараёнларини ёмонлаштиради. Бу ҳақда Kp.ru ёзмоқда.

Кардиолог шифокор Тамара Огиеванинг сўзларига кўра, ош тузидан тўлиқ воз кечиш ҳам организмга зарар келтиради, сабаби моддалар алмашинуви ва кислота-ишқор мувозанатининг бузилишига олиб келиши мумкин.