Сурия армияси Ҳомсдаги ИШИД жангариларини чекинтириб, Раққага яқинлашмоқда

Сурия Араб республикаси армияси ҳарбийлари иттифоқчилар кўмагида мамлакат марказидаги Ҳомс вилоятида жойлашган Ас-Сухна шаҳридаги ИШИД жангариларига ҳужум қилиб, уларни чекинтирди. Энди Дейр аз-Зор вилоятига йўл очилган.

Дайр аз-Зор ва унинг яқинидаги аэродром 3 йилдан буён жангарилар қўлида.

«Армия ва иттифоқчи кучлар Ас-Сухнани ўраб олган. Аммо шаҳарга кирилмаган, шаҳар атрофида жанглар давом этмоқда», — деган РИА Новости агентлиги суҳбатдоши.

Эндиликда ҳукумат кучлари ИШИДнинг Суриядаги «пойтахти» ҳисобланадиган Раққага томон йўлдаги Мадан шаҳрига ҳужум қилади.

Бу вақтда армия бўлинмалари Раққага жанубдан қамални давом эттирмоқда.