ОАВ: Сурияда “Оқ каскалар” гуманитар ташкилотининг 7 ходими отиб ташланди

Суриянинг Идлиб вилоятида “Оқ каскалар” гуманитар ташкилотининг 7 ходими номаълумлар томондан ўлдирилди. Бу ҳақда ташкилотнинг твиттердаги саҳифасида маълум қилинган.

“Оқ каскалар” ходимлари бошларига ўқ узиш орқали ўлдирилганлар, деб маълум қилинган Суриядаги инсон ҳуқуқлари бўйича кузатув кенгашининг хабарида. Бу ҳақда DW хабар бермоқда. Шунингдек, номаълумлар ташкилотга тегишли уст-бош ва иккита микроавтобусни ўғирлаб кетишган 

Ҳужум сабаблари номаълум, босқинчилар кимлиги аниқланмаган.

“Оқ каскалар” 2013 йилдан бери Суриядаги жанговар ҳаракатлар ҳудудида қолган аҳолига кўмак кўрсатиб келади.