Киевда Россиянинг Биринчи канали журналисти ўғирлаб кетилди

Фото: 1tv.ru

Россиянинг Биринчи канали журналисти Анна Курбатова Украина пойтахти Киев шаҳрида номаълум шахслар томонидан ўғирлаб кетилди. Бу ҳақда РИА «Новости» телеканал матбуот хизматига асосан хабар бермоқда.

«[Маълумотни] тасдиқлаймиз», - дея хабар беришган телеканалдан.

Курбатованинг ўғирлаб кетилгани ҳақида биринчи бўлиб «Россия 24» телеканали хабар берди.

«Бугун Киевда бизнинг ҳамкасбимиз, Биринчи канал журналисти Анна Курбатова ўғирлаб кетилди. Хабар қилинишича, уни номаълум томонга қараб олиб кетишган», - дея телеканал бошловчисининг сўзларини келтиради «Интерфакс».

Шунингдек, хабар қилинишича, журналистга бундан аввал бир неча маротаба таҳдид қилишган.