Америкалик ўсмир Рубик кубигини йиғиш бўйича рекорд ўрнатди
15 ёшли америкалик ўсмир Патрик Понс Рубик кубигини (кубик Рубика) йиғиш бўйича жаҳон рекордини ўрнатди. Бу ҳақда Daily Mail нашри хабар бермоқда. Понснинг рекорд натижа қайд қилган видеоси унинг YouTube-каналида жойлаштирилди.
Понс аввалги рекордни 0,05 сонияга яхшилаб, Рубик кубигини 4,69 сония ичида йиға олди. Ўсмирнинг айтишича, у вазифани рекорд даражада тез бажарганини билгач, ҳайратга тушган. У кубикни 17 та ҳаракат билан йиға олган.
Аввалги рекорд натижа 2016 йил ноябрда Матс Валк томондан ўрнатилганди. У бунга аввалги рекорд соҳиби америкалик Лукас Эттер вақтидан 0,164 сония қамроқ вақт сарфлаганди.
Рубик кубиги ўтган асрнинг 80-йилларида венгриялик ҳайкалтарош ва архитектура ўқитувчиси Эрне Рубик томонидан ихтиро қилинган. Ҳар йили бу бошқотирма ўйинчоқдан дунёда 10 млн дан кўпроқ дона сотилади.
Мавзуга оид
15:20 / 17.09.2024
Япониялик аёл дунёдаги энг кекса одам деб топилди
11:30 / 06.07.2024
Дунёни ҳайратлантираётган Хитой. Янги автомобил йўли 10 та рекордни янгилади
21:10 / 20.04.2024
Дюплантис лангарчўпда сакраш бўйича жаҳон рекордини саккизинчи марта янгилади
14:23 / 08.11.2023